" महिला स्वास्थ्य स्वयं सेविकाको निःस्वार्थ सेवा स्वास्थ्य, समृद्ध राष्ट्र निर्माणमा हाम्रो टेवा " भन्ने नाराका साथ १५औ महिला स्वास्थ स्वय्म सेविका दिवस महाकुलुङ गाउँपालिकामा पनि कार्यक्रम सम्पन्न भएको छ । बुङ स्वास्थ शाखाले प्रमुख प्रशासकिय अधिकृत लबुन राईको अध्यक्षता तथा सागर किराँती को प्रमुख आतिथ्यतामा कार्यक्रम सम्पन्न भएको छ ।
उक्त कार्यक्रममा सहभागी हुने सम्पूर्ण महाकुलुङ गाउँ पालिकाका अन्तर्गत छेस्काम स्वास्थ चौकी ,गुदेल स्वास्थ चौकी र बुङ स्वास्थ चौकी बाट स्वास्थ्य संस्थाको अगुवाइमा ब्यानर सहित बुङ महिला स्वास्थ्य स्वय्म सेविकाहरु, आमा समूहहरू, स्वास्थ्यकर्मीहरू, गाउँपालिकाको सम्पूर्ण कर्मचारीहरु, मकालु वरूण राष्ट्रीय निकुञ्जका सम्पूर्ण कर्मचारी साथीहरु ,जनप्रतिनिधि ज्यूहरू भेला भएर बुङ बजार परिक्रमा गरि सर एडमण्ड हिलारी स्मृति संग्राहलय तथा हेरचाह केन्द्रमा पुगेर कार्यक्रम सम्पन्न भएको थियो ।
कार्यक्रममा हाजिरी जवाफ प्रतियोगिता पनि सञ्चालन गरिएको थियो उक्त्त कार्यक्रममा सुलोचना राईको टिमले प्रथम स्थान हासिल गरेको थियो भने दोस्रो र तेस्रो हुनेले लाई पुरस्कार प्रदान गरिएको थियो । त्यस्तै यसै कार्यक्रममा ३ जना महिला स्वास्थ स्वय्म सेविका मध्ये उत्कृष्ट कार्य गरेबापत पहिलो पुर्णिमा राई, दोस्रो लीला राई र तेस्रो हस्तमाया राईलाई पुरस्कृत गरिएको थियो।
सम्बन्धित तस्विरहरुः
